İqtisadiyyat.az xəbər verir ki, bunu “Vətəndaşların Əmək Hüquqlarının Müdafiəsi Liqası”nın İcraiyyə Komitəsinin sədri Sahib Məmmədov Milli Məclisin Hüquq siyasəti və dövlət quruculuğu komitəsinin “Ümummilli lider Heydər Əliyev müstəqil Azərbaycan Konstitusiyasının müəllifidir” mövzusunda keçirdiyi elmi-praktik konfransda çıxışı zamanı deyib.

O qeyd edib ki, bəzən alt normalarla tənzimlənməli olan, yaxud da tənzimlənən normaların konstitusiyaya gətirilməməlidir:

“Misal olaraq, 17-ci maddəyə edilən dəyişiklik praktikada problem yaradır. Yəni həmin maddədə qeyd olunub ki, uşaqlarla 15 yaşına qədər əmək müqaviləsi bağlana bilməz. Amma idmanın elə növləri var ki, misal olaraq, bədii gimnastika, yaxud film çəkilişləri və digər sahələr var ki, burada uşaqlar əməyə cəlb oluna bilərlər. Lakin konstitusiya bunu qadağan edir. Bu, Əmək Məcəlləsinin predmetidir. Amma çoxlu misallar çəkmək olar”.