Beyindəki xroniki ağrılardan əziyyət çəkən xəstələr üçün ağrı mənbəyinə dair yeni araşdırmalar aparılıb. Tədqiqat Kaliforniya Universitetinin alimləri tərəfindən araşdırılıb.

İqtisadiyyat.az xəbər verir ki, bu barədə “Nature Neuroscience” jurnalında material dərc olunub.

Hazırda aparılan araşdırmalar insult və ya amputasiya sonrası xroniki xəstəliklərlə bağlıdır. Artıq beyin pozğunluqlarının əks olunması ilə nəticələr əldə edilib.

Tədqiqatçılar iştirakçıların xroniki ağrı səviyyələrindən asılı olaraq cavablarını əks etdirdiyi düşünülən "ön singulat korteks (ACC)" və "orbitofrontal korteks (OFC)" adlı beynin iki bölgəsindəki fəaliyyət dəyişikliklərinə diqqət yetiriblər.

Əldə etdikləri nəticələrlə xroniki ağrının beyində necə təzahür etdiyini daha dərindən başa düşməyə, beyin fəaliyyətini modulyasiya etmək və bu ağrılı vəziyyətdən əziyyət çəkənlərə lazım olan rahatlığı təmin etmək üçün innovativ strategiyalar hazırlamağa ümid etdiklərini bildiriblər.