"Takorend Trade" MMC məhkəməyə verilib.

İqtisadiyyat.az xəbər verir ki, şirkət barəsində  İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti tərəfindən İnzibati Xətalar Məcəlləsinin 447.0.4-cü maddəsinə əsasən cərimə protokolu tərtib edilib..

Daha sonra protokol Qaradağ Rayon Məhkəməsinə göndərilib. Məhkəmə işi hazırda hakim Şəfa Dadaşovanın icraatına verilib.

Şirkət barəsində protokol istehlakçıların hüquqlarının pozulmasına görə tərtib olunub.

Belə ki, həmin maddədə deyilir ki, qanunvericiliyə əsasən məcburi sertifikatlaşdırılmalı olan, lakin sertifikatlaşdırılmamış malların istehsalına, satılmasına, işlərin yerinə yetirilməsinə, xidmətlərin göstərilməsinə görə fiziki şəxslər üç yüz əlli manatdan beş yüz manatadək məbləğdə, vəzifəli şəxslər min beş yüz manatdan iki min manatadək məbləğdə, hüquqi şəxslər dörd min manatdan altı min manatadək məbləğdə cərimə edilir.

Əgər məhkəmə iddianı təmin edərsə, şirkəti cərimə gözləyir.

Bununla yanaşı, şirkətin hazırda 670 155,33 manat vergi borcu yaranıb.

Qeyd edək ki, "Takorend Trade" MMC ötən ilin sentyabrın 12-də dövlət qeydiyyatına alınıb. Şirkətin qanuni təmsilçisi Əliyev Anar Elçin oğludur.