Böyük Britaniya, Almaniya, ABŞ və Fransa liderləri arasında danışıqlar oktyabrın 12-də Berlində Ukraynaya hərbi yardım üzrə qrupun görüşündən əvvəl baş tutacaq.

İqtisadiyyat.az xəbər verir ki, bu barədə jurnalistlərə Almaniya hökumətindəki mənbə məlumat verib.

Böyük Britaniyanın Baş naziri Keir Starmer, Almaniya kansleri Olaf Şolts, Amerika prezidenti Co Bayden və Fransa lideri Emmanuel Makron arasında məsləhətləşmələr Bakı vaxtı ilə saat 11:30-da başlayacaq və təxminən saat 14:00-a qədər davam edəcək. Əsas diqqət Ukrayna münaqişəsi və Yaxın Şərqdəki vəziyyətə yönələcək.

 

Gözəl Həşimova