"Bentley" şirkəti "T-Series" sedanının ilk buraxılışını yenidən bərpa edib.
İqtisadiyyat.az xəbər verir ki, şassi nömrəsi "SBH1001" olan avtomobil "dəyişdirmə əvəzinə təmir" şüarı altında diqqətli bir restavrasiya prosedurundan keçib və "Bentley Heritage Collection" tarixi ekspozisiyasında fəxri yer tutub.
Bərpa işləri "P&A Wood" şirkəti tərəfindən həyata keçirilib, hətta arxa çərçivənin innovativ antivibrasiya dayaqları belə təmir edilib.
"Bentley T-Series" (1965–1980) avtomobili "Shell Grey" (boz) rəngində olub və 59 ildən sonra zavoda geri dönüb. Bu avtomobil bir neçə onilliklər ərzində hərəkətsiz vəziyyətdə qalıb.
Təəccüblüdür ki, şassi nömrəsi "SBH1001" olan sedanın mühərriki və transmissiyasına ən az müdaxilə olunub. 6,23 litrlik "səkkizlik" mühərrikdə yalnız yağ dəyişdirilib, sürətlər qutusu yenidən tənzimlənib.
