Belçikada məhbus həbsxana şəraitinin pis olduğu üçün kamerasını yandırıb və həbsxana işçiləri bir günlük tətilə başlayıb.

İqtisadiyyat.az bildirir ki, yerli mətbuatın məlumatına görə, Antverpendəki Merksplas həbsxanasında məhbus yanğını dünən gecə saatlarında törədib.

Bu hadisədən sonra həbsxana işçiləri bu gün 24 saatlıq tətilə başlayıb və bildirilib ki, bu, son bir ildə eyni həbsxanada 19-cu tətildir.

Məlum olub ki, həm məhbuslar, həm də işçilər həbsxanadakı şəraitdən şikayət ediblər. 2016-cı ildə sözügedən həbsxanada 200-ə yaxın məhbus üsyan qaldırdı, böyük yanğın baş verdi və bütün struktur atəşə tutuldu. Belçikada həbsxanalardakı əlverişsiz şərait tez-tez ölkənin gündəminə gəlir.