İnsan resursları şirkəti “Manpower” tərəfindən aparılan araşdırmaya görə, Belçikanın 100 şirkətindən təxminən 30-u işə yeni əməkdaş cəlb edir.

İqtisadiyyat.az dünya mediasına istinadən bildirir ki, müsahibədə iştirak edən 510 işəgötürənin yüzdə 10-u uzun müddətdir ki, süni intellektdən istifadə etdiklərini, yüzdə 21-i isə bu təcrübəni yaxın zamanda mənimsədiyini bildirib.

Şirkətlərin 18 faizi isə 12 ay ərzində süni intellekt tətbiqlərinə keçəcəklərini qeyd edib: "Belçikalı işəgötürənlər texnologiyanın üstünlüyünü dərk ediblər. İşəgötürənlərin yalnız 15 faizi süni intellektin işə qəbula mənfi təsir edəcəyini düşünür".

Qeyd edək ki, respondentlərin yüzdə 15-i bu texnologiyanın yaxın 2 ildə kadr sayını azaldacağını desə də, yüzdə 49-u süni intellektin yeni iş yerləri yaradacağını deyib.