Belarus Hava Hücumundan Müdafiə Qüvvələrinin bölmələrindən biri Rusiyada keçiriləcək taktiki təlimlərdə iştirak edəcək.

İqtisadiyyat.az xəbər verir ki, bu barədə Belarus Müdafiə Nazirliyi “Telegram”dakı hesabında məlumat yayıb.

“Avqust ayı ərzində Hərbi Hava Qüvvələri və Hava Hücumundan Müdafiə Qoşunlarının təyinatı üzrə hazırlıq planına uyğun olaraq Rusiya Federasiyası ərazisində hərbi birləşmələrlə canlı atəşlə əməliyyat-taktiki təlimlər keçiriləcək”, - məlumatda deyilir.

Bildirilib ki, təlimlərdə 4 minə yaxın hərbi qulluqçu və 150 ​​texnika iştirak edəcək.

Qeyd olunub ki, əsas təlim manevrləri Həştərxan vilayətində yerləşən Aşuluk poliqonunda baş tutacaq.

 

Sadiq Cavadov