"Telegram" Böyük Britaniyada miqrantlara qarşı iğtişaşlar zamanı zorakılıq çağırışları edən kanalları və yazıları silib". 

İqtisadiyyat.az xəbər verir ki, bu barədə BBC yayım korporasiyası messencerin bəyanatına istinadən məlumat yayıb.

"Moderatorlar vəziyyəti fəal şəkildə izləyir və Telegram-da qadağan olunmuş zorakılıq çağırışları olan kanalları və nəşrləri silirlər", - məlumatda deyilir.

Qeyd edək ki, Böyük Britaniyanın onlarla şəhərində keçirilən etirazlar bir həftədən çoxdur ki, davam edir. İğtişaşlara səbəb İngiltərənin Sautport şəhərində iyulun 29-da 17 yaşlı yeniyetmə Aksel Rudakubananın uşaq rəqsi üzrə ustad dərsinin iştirakçılarına bıçaqla hücum etməsi olub. Hadisə zamanı üç qız həlak olub, daha səkkiz uşaq və iki yetkin şəxs yaralanıb. Hücum edən şəxs saxlanılıb.