ABŞ prezidenti Co Bayden ABŞ Konqresindən Ukraynanın ehtiyacları üçün əlavə maliyyə ayrılmasını tez bir zamanda təsdiq etməyi tələb edib.
İqtisadiyyat.az xəbər verir ki, o bu barədə İrlandiyanın baş naziri Leo Varadkarla görüşündə deyib.
"Mən Konqresi oyuna qayıtmaq üçün öz işini görməyə çağırıram. Biz daha 300 milyon dollarlıq paket tapa bildik, lakin 60 milyard dollarlıq paketimiz də var. Mən Konqresi indi ikipartiyalı qanun layihəsini təsdiq etməyə çağırıram", - deyə prezident qeyd edib.
Martın 12-də ABŞ-nin milli təhlükəsizlik üzrə köməkçisi Ceyk Sallivan bildirib ki, Vaşinqton Kiyevə artilleriya mərmiləri və idarə olunan raketlərin daxil olduğu 300 milyon dollar dəyərində yeni hərbi yardım paketi verəcək.
