"İsrail və HƏMAS Qəzza zolağında atəşkəs və Fələstin hərəkatının saxladığı girovların azad edilməsi ilə bağlı saziş bağlamağa yaxındır".
İqtisadiyyat.az xəbər verir ki, bu barədə ABŞ Prezidenti Co Bayden Ağ Evdə jurnalistlərin suallarını cavablandırarkən bildirib.
O, avqustun 16-da Yaxın Şərqdə atəşkəs səylərində iştirak etdiyini vurğulayıb. "Biz atəşkəsə üç gün əvvəlkindən çox, çox yaxınıq", - deyə Bayden danışıqlar prosesi barədə danışarkən qeyd edib.
"Axios" portalının məlumatına görə, ABŞ dövlət katibi Entoni Blinken avqustun 17-də axşam saatlarında İsrailə uçacaq və orada avqustun 19-da Baş nazir Benyamin Netanyahu ilə görüşəcək. Bundan sonra onun Misir və Qətərə səfəri gözlənilir.