ABŞ Prezidenti Co Bayden İordaniya kralı II Abdullah ilə Yaxın Şərq nizamlanması perspektivlərini müzakirə edib. 

İqtisadiyyat.az xəbər verir ki, bu barədə Ağ Evin mətbuat xidmətinin yaydığı bəyanatda deyilir.

Sənədə əsasən, iki ölkə liderləri avqustun 5-də telefon danışığı zamanı Fələstin hərəkatının (HƏMAS) əlində olan girovların dərhal azad edilməsi yolu ilə regionda gərginliyin azaldılması səylərini müzakirə ediblər. Bundan əlavə, Bayden və II Abdullah bir sıra ikitərəfli məsələləri müzakirə ediblər.

Yaxın Şərqdə vəziyyətin kəskin şəkildə pisləşməsi son günlərdə HƏMAS hərəkatının Siyasi Bürosunun rəhbəri İsmayıl Haniyənin Tehranda, Beyrutda isə Hizbullahın hərbi qanadının komandirlərindən birinin ölümündən sonra başlayıb. 

İran, HƏMAS və Hizbullah hadisəyə görə İsraili günahlandırıb və bunu cavabsız qoymayacaqlarını bildiriblər.