ABŞ prezidenti Co Bayden Ağ Evdə Böyük Britaniyanın baş naziri Rişi Sunak ilə görüşüb.

İqtisadiyyat.az xəbər verir ki, ABŞ prezidenti Co Bayden Sunakı qəbul etməkdən məmnun olduğunu bildirib və iki ölkə arasında tarixi əlaqələrə işarə edib.

Rusiyaya qarşı mübarizədə Ukraynaya verdikləri maliyyə, hərbi və humanitar dəstəkdən danışan Bayden, ABŞ, Böyük Britaniya və Avstraliya arasında imzalanan AUKUS müqaviləsi ilə Hind okeanını daha təhlükəsiz etmək məqsədinə toxunub.

Bayden bildirib ki, NATO müttəfiqləri olaraq ümumi müdafiəni təmin etmək üçün birlikdə çalışırlar.

İqtisadi əlaqələri gücləndirmək planlarını da müzakirə edəcəklərini ifadə edən Bayden, "Məncə qlobal iqtisadiyyat Sənaye İnqilabından bu yana baş verən ən böyük transformasiyadan keçir", - deyə bilidrib.

Bayden süni intellekt sahəsindəki inkişaflara da işarə edib.

Liderlər görüşdən sonra birgə mətbuat konfransı keçirəcəklər.