Niderlandlı yarımmüdafiəçi Frenki de Yonq “Barselona”nın ən yüksək maaş alan futbolçusu deyil.

İqtisadiyyat.az xəbər verir ki, bu haqda "Diario Sport" məlumat yayıb.

Mənbənin məlumatına görə, hazırda niderlandlı Kataloniya klubunda ildə 19 milyon avro, üstəgəl müxtəlif bonuslar şəklində 4,2 milyon avro qazanır. Qeyd olunur ki, Robert Levandovski hazırda "mavilər"in heyətində mövsümə təxminən 32 milyon avro qazanan ən çox maaş alan futbolçudur.

Cari mövsümdə 36 yaşlı hücumçu "Barselona"nın heyətində 9 oyuna çıxıb, 7 qol vurub, 2 məhsuldar ötürmə edib.