Balakən rayon Gənclər evində Şuşa şəhərinin 2023-cü il üçün “Türk dünyasının mədəniyyət paytaxtı” seçilməsi ilə əlaqədar fotosərgi açılıb. Sərginin təşkili ilə “Shusha, the cultural capital of Azerbaijan, in photos” (Azərbaycanın mədəniyyət paytaxtı Şuşa fotolarda) adlı beynəlxalq fotoqrafiya layihəsə yekun vulurub. Azərbaycan, Türkiyə və Gürcüstanda icra olunan layihənin məqsədi Şuşanın tarixinin və mədəni irsinin yerli, türk və gürcü gəncləri arasında təbliğ edilməsindən ibarət olub.
İqtisadiyyat.az xəbər verir ki, layihədə Azərbaycanın Bakı şəhərində 4 günlük,Balakən rayonunda 1 günlük, Gürcüstanın Tbilisi şəhərində, Bolnisi və Marneuli rayonlarında 3 günlük, Türkiyənin İstanbul şəhərində 2 günlük, Antalya şəhərində 1 günlük olmaqla 11 günlük fotosərgi açılıb.
Sərgilənən fotolar arasında fotolar arasında Üzeyir Hacıbəyli, qardaşı Ceyhun Hacıbəyli, Bülbül, Rəşid Behbudov, Xan Şuşinski, Seyid Şuşinski, Niyazi, Məşədi Cəmil Əmirov, Fikrət Əmirov, Cabbar Qrayağdıoğlu, tərzan Sadıqcan, Soltan Hacıbəyov, Süleyman Ələsgərov kimi Şuşa musiqiçilərinin, Şuşa şəhərini əks etdirən görüntülərin fotoları yer alıb.
Sərgini ziyarət edənlərə Şuşanın fotoları əks olunan açıqcalar paylanılıb, fotolar vasitəsilə gənclər və digər qonaqlar arasında Şuşa musiqiçiləri və mədəni irsi haqqında məlumatlılıq artırılıb.
Layihə Azərbaycan Respublikasının Gənclər Fondunun maliyyə dəstəyi ilə “Uşaq və Yeniyetmələrə Dəstək” (UYD)ictimai birliyi tərəfindən icra olunub.
