Xəbər verdiyimiz kimi, Bakının Nərimanov rayonu, Mirzəbala Məmmədzadə küçəsində avtomobillər üçün nəzərdə tutulan ödənişli parklanma yerlərində xətlər düzgün ölçüdə aparılmayıb. Burada Azərbaycan Yerüstü Nəqliyyat Agentliyi (AYNA) tərəfindən xətlənmiş parklanma yerlərinin ölçüsü bir avtomobilin yerləşməsi üçün yetərli deyil. Standartlardan kənar şəkildə xətlənən parkinqlər isə əksər hallarda sürücülərin narazılığına səbəb olur. Buna görə də, sürücülər bir avtomobili iki parklanma yerində saxlamağa məcbur olurlar.

Məsələ ilə bağlı AYNA-dan İqtisadiyyat.az-ın sorğusuna cavab olaraq bildirilib ki, sözügedən ərazidə parklanma yerləri yenidən təşkil ediləcək.

***

12.30

Bakının Nərimanov rayonunda avtomobillər üçün nəzərdə tutulan ödənişli parklanma yerlərində xətlər düzgün ölçüdə aparılmayıb.

İqtisadiyyat.az xəbər verir ki, söhbət Mirzəbala Məmmədzadə küçəsindən (Nərimanov metrosunun və parkın yanı) gedir.

Burada Azərbaycan Yerüstü Nəqliyyat Agentliyi (AYNA) tərəfindən xətlənmiş parklanma yerlərinin ölçüsü bir avtomobilin yerləşməsi üçün yetərli deyil.

Standartlardan kənar şəkildə xətlənən parkinqlər isə əksər hallarda sürücülərin narazılığına səbəb olur. Buna görə də, sürücülər bir avtomobili iki parklanma yerində saxlamağa məcbur olurlar.

İqtisadiyyat.az sözügedən məsələ ilə bağlı AYNA-ya sorğu ünvanlayıb. Qurumdan bildirilib ki, məsələ gün ərzində araşdırılacaq.

Qeyd edək ki, qaydalara uyğun olaraq bir avtomobilin iki parklanma yerini zəbt etməsinə görə cərimə nəzərdə tutulur.