Sabunçu rayonunda yeni yarımstansiya tikiləcək.

İqtisadiyyat.az xəbər verir ki, "Azərişıq" ASC bununla bağlı hazırlıqlara başlayıb.

35/6 kV-luq 2x10 MVA gücündə "34" saylı yarımstansiyasının tikintisi və mövcud şəbəkə ilə əlaqələndirilməsi (giriş-çıxış xətlərinin yeni yarımstansiyaya köçürülməsi) işləri həyata keçiriləcək.

"Azərişıq" sözügedən işləri “Cronos Construction” MMC-yə həvalə edib və şirkətlə müqavilə bağlayıb.

Müqavilənin dəyəri 4,4 milyon manatdır.

Qeyd edək ki, Sabunçu rayonunda məskunlaşma sayı artdığından elektrik enerjisinə tələbat da çoxalıb. Buna görə də xətlərdə tez-tez yüklənmələrin baş verməsi hallarına rast gəlinir.