Bakı şəhəri, Suraxanı rayonu, Zığ qəsəbəbəsində tikintisi nəzərdə tutulan çoxmənzilli yaşayış binalarının xarici elektrik təchizatı işlərinə sərf olunacaq vəsaitin həcmi məlum olub.

İqtisadiyyat.az-ın xəbərinə görə, "Azərişıq" ASC bununla bağlı işləri yekunlaşdırıb.

Qurum binaların xarici elektrik təchizatı işlərinin icrasını "Smart Energy Services" şirkətinə həvalə edib və onunla müqavilə bağlayıb.

Müqaviləyə əsasən, sözügedən yaşayış binalarının xarici elektrik təchizatı işləri 7,7 milyon manata başa gələcək.