Bakı Şəhər Mədəniyyət Baş İdarəsinin nəzdindəki Mədəni Tədbirlərin Təşkili və Yaradıcı Gənclərlə İş üzrə Mərkəzi əsaslı təmir olunacaq.

İqtisadiyyat.az xəbər verir ki, bununla bağlı Mədəniyyət Nazirliyinin tabeliyində təsərrüfathesablı “Əsaslı Tikinti və Təchizat” Məhdud Məsuliyyətli Cəmiyyəti hazırlıqlara başlayıb.

Əsaslı təmir işləri zamanı Mərkəzin dam və döşəmə örtüyü, kərpic divarları, taxta pilləkənləri, şirələnmiş keramik plitələrdən olan divar üzlükləri söküləcək. 

Həmçinin su-qaz xəttləri yenilənəcək. Bundan əlavə, nəzərdə tutulan digər zəruri söküntü işləri aparılacaq. Mərkəz standartlara uyğun şəkildə əsaslı təmir olunacaq.

Mərkəzdəki əsaslı təmir işlərinin 289 min manata başa gələcəyi ehtimal edilir.