"Gold Construction" inşaat şirkətinin külli miqdarda vergi borcu yaranıb.

İqtisadiyyat.az xəbər verir ki, şirkətin hazırkı günə qədər vergi yığılmış vergi borcunun məbləği 1 376 912,28 manat təşkil edir.

Vergi Məcəlləsinin 23-cü maddəsinə əsasən vergi borcunun gecikdirilməsinə görə sanksiyalar nəzərdə tutulub.

Tikinti şirkətinin vergi məsələlərinə görə işi hazırda məhkəmədədir. 

Şirkət birinci instansiya məhkəməsinin qərarından apellyasiya şikayəti verib. İş Bakı Apellyasiya Məhkəməsində hakim Rəşid Səmədovun sədrliyi ilə araşdırılacaq.

Qeyd edək ki, "Gold Construction" 10 ildən çoxdur Bakı şəhərində yaşayış kompleksləri və binaları inşa edir. 2010-cu ildə dövlət qeydiyyatına alınan şirkətin nizamnamə kapitalı 4 499 703.90 manat, qanuni təmsilçisi isə Şıxəliyev Rəcad Əli oğludur.