Bakıda və Zaqatalada 3 nəfər dəm qazından zəhərlənərək ölüb.

İqtisadiyyat.az xəbər verir ki, paytaxtın Yasamal rayonu, 2-ci Alatava küçəsində yaşayan 1989-cu il təvəllüdlü, Gürcüstan vətəndaşı Cəlilova Naira Nüqzarı qızı hamamda yuyunarkən dəm qazının sızması nəticəsində boğularaq ölüb.

Həmçinin Qədirli küçəsində yaşayan 1956-cı il təvəllüdlü Bayramov Zakir İmam oğlu da ilkin ehtimala əsasən dəm qazından ölüb.

Bundan əlavə, Zaqatala şəhəri M.Müşviq küçəsində yaşayan 1986-cı il təvəllüdlü Qurbanov Rəşad Fərhad oğlu da hamam otağında dəm qazından zəhərlənərək ölüb.

Hər üç faktla bağlı müvafiq prokurorluqda araşadırmalar aparılır.