Bakıda bir klinikanın və daha iki şirkətin hesabatları təhrif etdiyi aşkarlanıb.
İqtisadiyyat.az xəbər verir ki, söhbət "Gold Estetik", "Karona LTD", "Kaspian Ekspress"dən söhbət gedir.
Belə ki, Dövlət Statistika Komitəsi sözügedən təşkilatlar barədə İnzibati Xətalar Məcəlləsinin 389-cu maddəsinə əsasən cərimə protokolu tərtib edib.
Daha sonra protokollar baxılması üçün müvafiq məhkəmələrə göndərilib.
Qeyd edək ki, statistik müşahidələrin aparılması üçün zəruri olan məlumatların təqdim edilməməsinə və ya vaxtında təqdim edilməməsinə, yaxud hesabatların təhrif edilməsinə görə üç yüz manatdan beş yüz manatadək məbləğdə cərimə edilir.
