2023-cü ilin yanvar-sentyabr aylarında əhalinin tələbatlarının ödənilməsi məqsədilə Bakıda istehlak bazarında satılmış məhsulların və göstərilmiş xidmətlərin dəyəri 29 650,4 milyon manat təşkil edib.
İktisadiyyat.az Bakı Şəhər Statistika İdarəsinə istinadən xəbər verir ki, bu göstərici 2022-ci ilin müvafiq dövrünə nisbətən müqayisəli qiymətlərlə 9,3% artıb.
Qeyd edək ki, satılmış məhsulların və göstərilmiş xidmətlərin ümumi həcminin 95,2%-ni qeyri-dövlət sektoru təşkil etmiş, bu bölmə üzrə pərakəndə ticarət dövriyyəsinin və ödənişli xidmətlərin dəyəri 2022-ci ilin səviyyəsindən real ifadədə 14,1% artaraq 28 232 milyon manat olub.
