Bakıda fəaliyyət göstərən xarici neft şirkəti azərbaycanlı əməkdaşını işdən çıxarıb.

İqtisadiyyat.az xəbər verir ki, söhbət Kayman Adalarının "Karasu Operating Company" Şirkətinin filialından gedir.

Belə ki, Qasımov Fəxrəddin Sabir oğlu şirkətə qarşı məhkəmədə iddia qaldırıb.

O, "Karasu Operating Company" Şirkətinin filialı tərəfindən haqsız yerə işdən çıxarıldığını bildirib. Eyni zamanda o, işə bərpa olunmasını və işdən çıxarıldığı müddətə görə müvafiq olaraq əmək haqqı tələbi irəli sürüb.

Daha sonra birinci instansiyanın qərarından narazı qalan F.Qasımov Bakı Apellyasiya Məhkəməsinə üz tutub. 

Apellyasiya şikayəti hakim Elnur Həsənovun sədrliyi ilə araşdırılacaq.

Xatırladaq ki, "Karasu Operating Company" şirkəti "Mishovdagh" və "Kalamaddin" neft yataqlarının tədqiqatı və inkişafında iştirak edir. Şirkət 2000-ci ildən Bakıda fəaliyyət göstərir. Qanuni təmsilçisi Rustem Gaifullindir.