Bakı şəhər dövlət mənzil fonduna aid olan çoxmənzilli binalarda liftlər yenisi ilə əvəz ediləcək.
Bu barədə İqtisadiyyat.az-a Bakı Şəhər İcra Hakimiyyəti “Lifttəmir” İstehsalat Birliyindən məlumat verilib.
Bildirilib ki, hazırda bununla bağlı layihə-smeta sənədlərinin hazırlanması və ekspertiza ilə bağlı xidmətlərin göstərilməsinə başlanılıb.
Xatırladaq ki, Prezident İlham Əliyev bu ilin fevral ayında çoxmənzilli binaların lift təsərrüfatının maddi-texniki bazasının möhkəmləndirilməsi ilə bağlı əlavə tədbirlər haqqında Sərəncam imzalayıb. Sərəncamda paytaxt üzrə də doqquz mərtəbəli binalarda 141 lift quraşdırılması öz əksini tapıb.
