Oktyabrın 16-da saat 08:20-də baş vermiş yol-nəqliyyat hadisəsi ilə bağlı Siyəzən Rayon Mərkəzi Xəstəxanasına 5 nəfər, onlardan 2 nəfər (qadın cinsli), 3 nəfər (kişi cinsli) hospitalizasiya olunub.
Bu barədə İqtisadiyyat.az-a TƏBİB-dən məlumat verilib.
Onlardan bir nəfər 1989-cu il təvəllüdlü şəxs(qadın cinsli) “QKBT, çənə sümüyünün sınığı” diaqnozu ilə Quba Rayon Mərkəzi Xəstəxanasına təxliyyə olunub.
1988-ci il təvəllüdlü şəxs (qadın cinsli) QKBT, döş qəfəsinin küt travması, başın təpə nahiyyəsinin kəsilmiş yarası” diaqnozu ilə cərrahi əməliyyata alınıb, stasionar müalicəsi davam edir.
2000-ci il təvəllüdlü şəxs(kişi cinsli) “Sağ əlin V daraq sümüyünün sınığı” diaqnozu təyin edilib və ambulator müalicə üçün evə buraxılıb.
1966-cı il təvəllüdlü şəxsə (kişi cinsi) sol əlin IV daraq sümüynün travmatik çıxığı, əllərin sıyrılmış yaraları, sol bazu oynağının əzilməsi” diaqnozu təyin edilib, müvafiq tibbi yardımlar göstərilir.
1988-ci il təvəllüdlü şəxsə (kişi cinsli) “Sol üz nahiyyəsinin sıyrılmış yarası” diaqnozu təyin edilib və ambulator müalicə üçün evə buraxılıb.
Faktla bağlı araşdırma aparılır.
***
11:50
Bakı-Quba yolunun Siyəzən rayonu ərazisindən keçən hissəsində yol-nəqliyyat hadisəsi baş verib.
İqtisadiyyat.az APA-ya istinadən xəbər verir ki, "Mercedes" markalı avtomobilin qəzaya uğraması nəticəsində Xaçmaz Peşə Liseyinin 5 nəfər əməkdaşı xəsarət alıb. Onlar Siyəzən Müalicə Diaqnostika Mərkəzinə yerləşdirilib.
Faktla bağlı araşdırma aparılır.
