Bakı şəhərinin və Abşeron rayonunun qəsəbələrinin bəzi məktəblərində şagird sıxlığının aradan qaldırılması ilə bağlı işlərə başlanılır.

Bu barədə İqtisadiyyat.az Elm və Təhsil Nazirliyinin Təhsilin İnkişafı Fondundan məlumat əldə edib.

Qeyd edilib ki, məktəblərdə şagird sıxlığının aradan qaldırılması üçün yeni binaların əsaslı təmiri və tikintisi üzrə layihə-smeta sənədlərinin hazırlanması işlərinin satın alınması ilə əlaqədar keçirilmiş təkliflər sorğusunda iştirak edən iddiaçıların təklifləri qiymətləndirilib.

Təkliflər sorğusunun nəticələri haqqında tender komissiyasının yekun protokoluna əsasən, “Noka” Məhdud Məsuliyyətli Cəmiyyəti qalib elan edilib və həmin müəssisə ilə 13 dekabr 2023-cü il tarixdə satınalma müqaviləsi bağlanıb.