Bu barədə İqtisadiyyat.az Bakı Şəhər İcra Hakimiyyətinin tabeliyindəki “Bakı Şəhər İşığı” Elektrik Şəbəkə Müəssisəsindən məlumat əldə edib.
Belə ki, qurum işıqlandırma ilə bağlı hazırlıqlar işlərini başa çatdırıb.
“Bakı Şəhər İşığı” bu il işıqlandırma üçün materialların satınalınması ilə bağlı “İnterkabel” Firması ilə alqı-satqı müqaviləsi bağlayıb.
Müqaviləyə əsasən, materialların satınalınmasına 2 670 677,83 manat vəsait ayrılıb.
Ötən il isə işıqlandırma üçün materialların satınalınmasına 2 476 318,42 manat vəsait sərf olunmuşdu.
Qeyd edək ki, BŞİH uzun illərdir işıqlandırma materiallarını “İnterkabel” şirkətindən alır. Belə ki, 2020, 2021, 2022 və 2024-cü illərdə materialların alqı-satqısına görə bu şirkətə ümumilikdə 11 milyon manatdan çox ödənilib.
Təkcə 2023-cü ildə işıqlandırma materialları “Reliable Oil Services” MMC-dən alınıb və bu şirkətə isə 3 milyon manatdan çox vəsait ödənilib.
