“Bakı Abadlıq Xidməti” MMC barəsində tərtib olunmuş cərimə protokolu ilə bağlı məhkəmə prosesinin keçiriləcəyi tarix məlum olub.

İqtisadiyyat.az xəbər verir ki, bir neçə gün əvvəl Maliyyə Nazirliyi tərəfindən “Bakı Abadlıq Xidməti” barəsində İnzibati Xətalar Məcəlləsinin 464-cü (Məcburi auditdən yayınma) maddəsinə əsasən cərimə protokolu tərtib edilib.

Daha sonra protokol baxılması üçün Yasamal rayon Məhkəməsinə göndərilib. İş hakim Mirsadiq Seyidov tərəfindən araşdırılacaq.

“Bakı Abadlıq Xidməti” ilə bağlı cərimə protokolu ilə bağlı məhkəmənin baxış iclası oktyabrın 9-na, saat 15.00-a təyin olunub.

Qeyd edək ki, Məcələnin 464-cü maddəsində deyilir ki, “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər üç yüz manatdan altı yüz manatadək məbləğdə, hüquqi şəxslər min beş yüz manatdan iki min beş yüz manatadək məbləğdə cərimə edilir.