İqtisadiyyat.az xəbər verir ki, bu barədə Beynəlxalq Atom Enerjisi Agentliyinin (BAEA) baş direktoru Rafael Qrossi “X” (keçmiş Twitter) platformasında paylaşım edib.

Onun sözlərinə görə, hazırda Natanz nüvə obyektindən kənarda ölçülən radiasiya göstəriciləri normal səviyyədədir və dəyişiklik qeydə alınmayıb.

Qrossi əlavə edib ki, əgər lazımi təhlükəsizlik tədbirləri vaxtında və düzgün şəkildə həyata keçirilərsə, obyekt daxilində müşahidə olunan radioaktiv çirklənmə – əsasən alfa hissəcikləri – effektiv şəkildə nəzarət altına alınaraq yayılmasının qarşısı alına bilər.