İqtisadiyyat.az xəbər verir ki, ali təhsil müəssisəsi mühafizə xidmətini “Kapital Security” QSC-yə həvalə edib.

Universitetlə şirkət arasında bağlanılmış müqaviləyə əsasən, ali təhsil müəssisəsinin bu ilin yanvarın 1-dən dekabrın 31-dək olan dövrü əhatə edəcək mühafizə xidməti 398.775,48 manata başa gələcək.

AzTU-nun mühafizə işinin təşkilinə bir nəfər xidmət rəisi, bir nəfər onun müavini olmaqla ümumilikdə 27 nəfər təhkim olunacaq. Mühafizə işi həm universitetin tədris binasında, həm də yataqxanasında həyata keçiriləcək. Gündüz növbəsi üçün mühafizəçilərdən ikisi qadın olacaq.