İqtisadiyyat.az xəbər verir ki, Geoloji Kəşfiyyat Agentliyi işlərin icrasını Rəqəmsal İnkişaf və Nəqliyyat Nazirliyi yanında Kosmik Agentliyə (“Azərkosmos”) həvalə edib.

“Azərkosmos” həmin ərazilərdə yüksək ayırdetməli peyk çəkilişləri aparacaq, alterasiya xəritələri hazırlayacaq və peyk məlumatlarının geoloji mühitə inteqrasiya edilmiş nəticələrinə əsaslanan, proqnoz göstəriciləri əks etdirən xəritələr tərtib edəcək. 

Şərqi Zəngəzur və Qarabağ iqtisadi rayonunları üzrə layihə ərazisində nümunələr götürüləcək. Poliqonların koordinatlarının və götürülmüş nümunələrin spektral xarakteristikaları ölçüləcək.

Geoloji Kəşfiyyat Agentliyi ilə “Azərkosmos” arasında bağlanmış müqaviləyə əsasən, qeyd olunan geoloji işlərin icrası 3 319 724,68 manata başa gələcək.