“Azerspace-1” telekommunikasiya peyki orbitdə sığortalanacaq.
Bu barədə İqtisadiyyat.az Rəqəmsal İnkişaf və Nəqliyyat Nazirliyi yanında Kosmik Agentlikdən ("Azərkosmos") məlumat əldə edib.
Agentlik peykin orbitdə sığortalanması xidmətinin satın alınması ilə bağlı tender elan edib.
Qeyd edilib ki, müqavilə müddəti bir ildir. Bu müddət 2024-cü ilin fevralından 2025-ci ilin fevralına qədər olan dövrü əhatə edir.
Sığorta olunacaq əmlakın dəyəri 66.5 milyon ABŞ dollarıdır.
Xatırladaq ki, "Azerspace-1" 2013-cü ilin fevralın 8-də Fransız Qvianasında (Cənubi Amerika) yerləşən Kuru kosmodromundan Fransanın Arianespace şirkəti tərəfindən "Ariane-5" daşıyıcı raketi ilə buraxılıb. "Azerspace-1"in istismar müddəti azı 17 ildir. Ümumilikdə 230 milyon ABŞ dollarına başa gələn peyki Amerikanın "Orbital Sciences Corporation" şirkəti tərəfindən inşa olunub.
Sadiq Cavadov
