İqtisadiyyat.az xəbər verir ki, bu barədə dəyişiklik Baş nazir Əli Əsədovun imzaladığı qərarla təsdiq edilmiş yeni nizamnamədə öz əksini tapıb.

Qeyd olunub ki, ASC-nin ali idarəetmə orqanı onun ümumi yığıncağıdır. Cəmiyyətin fəaliyyətinə cari rəhbərliyi kollegial icra orqanı olan İdarə Heyəti həyata keçirəcək.

İdarə Heyəti 3 üzvdən – Prezident tərəfindən vəzifəyə təyin edilən və vəzifədən azad edilən İdarə Heyətinin sədri və onun iki müavinindən ibarətdir.

İdarə Heyətinin sədri müvəqqəti olmadıqda, onun səlahiyyətlərinin icrasını İdarə Heyəti sədrinin müəyyən etdiyi müavinlərindən biri həyata keçirir.

Qeyd edək ki, indiyədək quruma rəhbərliyi ASC-nin prezidenti həyata keçirib. Yeni nizamnamə ilə indiyədək mövcud olan “Azərenerji”nin prezidenti vəzifəsi İdarə Heyətinin sədri vəzifəsinə çevrilib.