İqtisadiyyat.az bu barədə ASC-nin maliyyə hesabatına istinadən xəbər verir.

Ötən il “Azərelektrikşəbəkətikinti” ASC-nin əsas əməliyyat gəlirləri 86 101 manat təşkil edib. Bu isə əvvəlki ilin əməliyyat gəlirlərindən 26 441 manat azdır.

31 dekabr 2024-ci il tarixində “Azərelektrikşəbəkətikinti”nin cəmi aktivləri 1 milyon 886 min 510 manat olub. Əvvəlki il isə bu rəqəm 1 milyon 908 130 manat təşkil edib.

Xatırladaq ki, “Azərelektrikşəbəkətikinti ” ASC 2002-ci ildə yaradılıb. Onun nizamnamə kapitalı 172 600 manat və qanuni təmsilçisi Baxış Abutalıb oğlu Babayevdir. B.Babayev bundan əvvəl “Bakıelektrikşəbəkə” Açıq Səhmdar Cəmiyyətində çalışıb. Daha əvvəllər isə “Azərenerji istehsal birliyi “Azərelektrikşəbəkətikinti” trestinin müdiri vəzifəsində işləyib. Həmin dövrdə o, Azərbaycan Sovet Sosialist Respublikasının prezidenti Ayaz Mütəlibovun fərmanı ilə “Azərbaycan SSR əməkdar energetiki” fəxri adına layiq görülüb. B.Babayevin “Azərenerji” Açıq Səhmdar Cəmiyyətinin (ASC) prezidenti Baba Rzayevin yaxını olduğu iddia edilir.

Qeyd edək ki, ASC-nin hesabatına nəzər yetirdikdə son illər zərərlə işlədiyi müşahidə olunur. Şirkət 2022-ci ili 1,5 milyon manata yaxın, 2023-cü ili 271 min manata yaxın zərərlə başa vurub. Zərər gəlirlərin azalması ilə əlaqədardır.

Ötən ay şirkət mayın 22-si üçün səhmdarlarının növbəti illik ümumi yığıncağını çağırıb. Yığıncağın gündəliyinə Cəmiyyətin 2024-cü ilin maliyyə-təsərrüfat fəaliyyətinin yekunlarına aid idarə heyətinin hesabatı, ASC-nin ləğv olunması və bununla əlaqədar ləğvetmə komissiyasının (təsviyəçinin) təyin edilməsi və ona müvafiq səlahiyyətlərin verilməsi kimi məsələlər daxil edilib.