"Azercell" nömrələrində bəzi xidmətlərdən istifadə zamanı yenidən problemlər yaranacaq.

İqtisadiyyat.az xəbər verir ki, bu barədə şirkətin yaydığı məlumatda deyilir.

Bildirilir ki, martın 15-də gecə saatları ərzində bəzi xidmətlərin istifadəsində müvəqqəti çətinliklərin yaranması mümkündür.

Şirkət bir neçə gün əvvəl martın 14-də də axşam saatlarında bəzi xidmətlərin istifadəsində müvəqqəti çətinliklərin yaranacağı barədə məlumat yayıb.

Daha əvvəl isə martın 7-də "Azercell" nömrələrində gecə saatları ərzində bəzi xidmətlərin istifadəsində müvəqqəti çətinliklərin yarancağı ilə bağlı şirkət abunəçilərə xəbərdarlıq edib.

Xatırladaq ki, bundan əvvəllər də "Azercell" nömrələrində mütəmadi olaraq bu kimi problemlər yaşanıb. Abunəçilər isə "Azercell Telekom" MMC-dən buna görə narazılıqlarını bildiriblər.