İqtisadiyyat.az xəbər verir ki, bunu informasiya kommunikasiya texnologiyaları üzrə mütəxəssis Osman Gündüz bildirib. 

Onun sözlərinə görə, bu, baş verərsə, ölkənin həm ən böyük mobil operatoru, telekommunikasiya operatoru və həm də əsas sabit internet operatoru bir mərkəzdə cəmlənəcək:

“Bu isə Azərbaycanın telekommunikasiya sektorunda tam yeni bir mühit formalaşdıra bilər, sektorda belə bir təmərküzləşmənin uğuru,  yarada biləcəyi risklər isə başqa bir müzakirə mövzusdur”.

Xatırladaq ki, bugünlərdə “Bakı Telefon Rabitəsi”, “Az-Evro Tel” və “Azərrabitəlayihə” MMC-lər, “Aztelekom”un Beynəlxalq Avtomat Telefon Stansiyası, Gəncə Telekommunikasiya İdarəsi və Sumqayıt Telekommunikasiya Qovşağının ləğv edilərək “Aztelekom”a qoşulub. Buna görə də “Aztelekom” yenidən təşkil edilib.