2021-ci ilin yanvar-iyun aylarında azərbaycanlılar Türkiyədə 593 mənzil alıblar. 2020-cu ilin eyni dövründə azərbaycanlılar Türkiyədə 431 mənzil almışdılar.

Türkiyənin Statistika Komitəsi xəbər verir ki, azərbaycanlılar Türkiyədə 2021-ci ilin yanvar ayında 68 mənzil, fevral ayında 77 mənzil, Mart ayında 106 mənzil, Aprel ayında 131 mənzil, May ayında 47 mənzil, İyun ayında isə 164 mənzil alıblar. Ötən ilin eyni aylarında say müvafiq olaraq 99, 90, 95,35, 42 və 70 mənzil olmuşdu.

Azərbaycanlılar Türkiyədə mənzil alan xaricilər arasında 8-ci yerdədir. 

Azərbaycanlılar Türkiyədə 2016-da 610 mənzil, 2017-ci ildə 942 mənzil, 2018-ci ildə 1250 mənzil, 2019-cu ildə 1191 mənzil, 2020-ci ildə 1279 mənzil alıblar. 

Türkiyə Statistika Komitəsinin statistikalarına görə, İyun ayındakı mənzil satışları May ayındakı satışları 2 dəfə üstələyib. Türkiyədə mənzil satışları İyun ayında 134 min 731 təşkil edib. Mayda bu rəqəm 59 min 166 idi. Aylıq artıma baxmayaraq İyun ayındakı mənzil satışları keçən ilin eyni dövrü ilə müqayisədə 29,1 azdır.