"Azərbaycanın Avropadan əldə etdiyi gəlirlər də 3 dəfə azalıb". 

Bu sözləri qlobal bazarda qazın qiymətinin ucuzlaşmasının Azərbaycan iqtisadiyyatına mümkün təsirlərini şərh edən iqtisadçı-alim, ADR Hərəkatının rəhbəri Qubad İbadoğlu İqtisadiyyat.az-a açıqlamasında deyib.

Onun sözlərinə görə, dünya bazarında qazın qiymətinin ucuzlaşması ölkə iqtisadiyyatına mənfi təsir edir:

"Avropaya qaz satan ölkələrdən biri də Azərbaycandır. Bu il ölkənin ixrac etdiyi qazın təxmini 53 faizi Avropaya, 47 faizi isə Türkiyə və Gürcüstana çatacaq. Halbuki əvvəllər bu göstəricilər fərqli idi. Ümumilikdə Azərbaycanın qazdan ixrac gəlirləri azalır. İndiki halda Avropa bazarlarında qazın qiymətinin aşağı düşməsi Azərbaycana da mənfi təsir edir. Belə ki, qaz ötən illə müqayisədə bu il təxminən 3 dəfə ucuzlaşıb. Bu, o deməkdir ki, Azərbaycanın Avropadan əldə etdiyi gəlirlər də 3 dəfə azalıb. Təəssüf ki, Azərbaycanda dayanıqlı iqtisadi sistem qurulmayıb. Ötən il ölkənin ixracatının 92.1 faizi məhz neft-qaz və neft məhsullarından ibarət olub". 

Gülşən Şərif