Azərbaycan bu ilin yanvar-iyun aylarında 10 milyard 956 milyon kubmetr həcmində təbii qaz ixrac edib.

İqtisadiyyat.az bu barədə Dövlət Gömrük Komitəsinə istinadən xəbər verir.

Məlumata görə, bu dövrdə Azərbaycandan ixrac edilən təbii qazın dəyəri isə 8 milyard ABŞ dolları təşkil edib. Hesabat dövründə Azərbaycandan ixrac edilən təbii qazın həcmi ötən ilin eyni dövrü ilə müqayisədə 4% az, dəyəri isə 7,9% və ya 588.6 milyon dollar çoxdur.

Əlavə edək ki, Azərbaycanın ümumi ixracında təbii qazın payı 44,69% olub.

 

Gözəl Həşimova