Bu ilin yanvar-may aylarında Azərbaycanda 20 milyard 866 milyon kub metr təbii qaz istehsal olunub.

İqtisadiyyat.az Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 667 milyon kub metr və ya 3,3 % çoxdur. Ötən ilin eyni dövründə Azərbaycanın təbii qaz istehsalı 20 milyard 199 milyon kub metr olub.

Ondan əmtəəlik qaz istehsalı 15 milyard 928 milyon kub metr olub ki, bu da illik müqayisədə 628 milyon kub metr, yaxud da 4,1 % çoxdur.