İqtisadiyyat.az xəbər verir ki, bu barədə Dövlət Gömrük Komitəsinin məlumatında deyilir.

Belə ki, yanvar-fevral aylarında ixrac olunan meyvə-tərəvəzin dəyəri 109 milyon ABŞ dollarına yaxın olub ki, bu da ötən ilin eyni dövrü ilə müqayisədə 9,5 % artım deməkdir.

Həcm baxımından isə ixrac 15 %-dən çox artaraq, 100 min 399 tona çatıb.

Eyni dövrdə Azərbaycanın meyvə-tərəvəz idxalı isə 88 min 57 ton təşkil edib. Bu məhsulların dəyəri 66 milyon ABŞ dollarına yaxın olub ki, bu da ötən ilin eyni dövrü ilə müqayisədə 4,4 % çoxdur.

Bu rəqəmlər göstərir ki, ölkə həm ixracdan gəlirlərini artırıb, həm də idxal etdiyi məhsullara daha çox vəsait ayırıb. Meyvə-tərəvəz ixracı Azərbaycanın ümumi ixrac gəlirlərinin 2,3 %-ni təşkil edib.