Azərbaycanla İran arasında bu ilin yanvar-aprel arasında ticarət dövriyyəsi 183,4 milyon dollar təşkil edib.

İqtisadiyyat.az-ın Dövlət Gömrük Komitəsindən əldə etdiyi məlumata görə, bu, ötən ilin müvafiq dövrü ilə müqayisədə 11,7 milyon dollar çoxdur.

Hesabat dövründə İrandan Azərbaycana 178,9 milyon dollarlıq mal idxal olunub. Azərbaycan məhsullarının İrana ixracı isə 4,5 milyon dollar təşkil edib.

Əlavə edək ki, ötən ilin yanvar-aprel aylarında Azərbaycanla İran arasında ticarət dövriyyəsinin dəyəri 171,6 milyon dollar təşkil edib.

 

Gözəl Həşimova