Beynbəlxalq İdman Araşdırmaları Mərkəzi (CIES) dünyanın 75 ölkəsinin çempionatlarında son 5 ildə heyəti ən stabil olan klubların siyahısını açıqlayıb.

İqtisadiyyat.az xəbər verir ki, siyahıda Azərbaycan klublarına da yer ayrılıb.

Ölkəmizin ən stabil klubu "Qarabağ"dır. Ağdam təmsilçisi geridə qalan 5 ildə 67 futbolçunun xidmətindən yararlanıb. İkinci pillədə olan "Qəbələ" 74 oyunçunun xidmətinə ehtiyac duyub. "Neftçi" isə bu müddət ərzində 87 futbolçudan istifadə edib.

"Sabah", "Turan Tovuz" və "Kəpəz" Premyer Liqada 5 ili tamamlamadığı üçün onlara siyahıda yer verilməyib.

1. "Qarabağ" - 67 futbolçu

2. "Qəbələ" - 74

3. "Neftçi" - 87

4. "Sumqayıt" - 88

5. "Səbail" - 102

6. "Zirə" - 104

7. "Şamaxı" - 107