Xəbər verdiyimiz kimi, 13-14 yanvar Biləsuvar rayonunda çovğunla müşahidə olunan güclü qar yağıb.

Yerli sakinlərin İqtisadiyyat.az-a verdiyi məlumata görə, sonuncu dəfə rayon ərazisinə belə qar 1988-89-cu illlərdə yağıb.

Son 24 il ərzində isə 2012-ci ildə rayon ərazisində güclü qar yağması müşahidə olunub. Həmin il qarın hündürlüyü Biləsuvar rayonunda 27 sm-ə çatıb. 

Qeyd edək ki, ötən gün Biləsuvar rayonu ərazisinə 45 sm hündürlüyündə qar düşüb. Güclü qar yağışı nəticəsində yollarda nəqliyyatın hərəkəti çətinləşib. Həmçinin bəzi ərazilərdə elektrik enerjisi verlişində fasilələr yaranıb.

Hazırda rayon ərazisində yağıntılar dayanıb və havanın temperaturu 0 dərəcəyə düşüb.