Azərbaycana bu ilin birinci rübündə idxal olunan balıq və dəniz məhsullarının dəyəri artıb.

İqtisadiyyat.az-ın Dövlət Gömrük Komitəsindən əldə etdiyi məlumata görə, hesabat dövründə ölkəyə dəyəri 9,7 milyon dollar dəyərində balıqlar və xərçəngkimilər, molyusklar və digər su onurğasızları idxal edilib. Bu göstərici ötən ilin eyni dövrü ilə müqayisədə 2,2 milyon dollar çoxdur.

Bu dövr ərzində ölkənin balıq və dəniz məhsulları ixracı isə 338 min dollar dəyərində olub. Bu da ötən ilin eyni dövrünə görə 203,3 min dollar artıb.

 

Gözəl Həşimova