İqtisadiyyat.az xəbər verir ki, yığıncaq iyunun 30-na təyin olunub.

Ümumi yığıncağın gündəliyinə aşağıdakı məsələlər daxildir:

1. “Azərkabel” ASC-nin müşahidə şurasının və icra orqanının üzvlərinin yenidən seçilməsi. 2. “Azərkabel” ASC-nin 2024-cü il üzrə illik maliyyə hesabatının müzakirəsi. 3. “Azərkabel” ASC-nin borclarının ödənilməsi yolları, ödəniş qabiliyyətinin bərpası və ya ləğvi məsələsi. 4. Müşahidə Şürasının Əsasnaməsinə əlavə və dəyişiklərin edilməsi. 5. Digər məsələlərin həlli. 

Xatırladaq ki, “Azərkabel” 1959-cu ildən fəaliyyət göstərən eyni adlı müəssisənin bazasında, 2001-ci ildə yaradılıb. Onun nizamnamə kapitalı 869 min manatdır. Müəssisə ölkənin aparıcı kabel istehsalçısıdır. Mingəçevir şəhəri H.Əliyev pr.65 ünvanında yerləşir. Qeyri-dövlət müəssisəsidir. İstehsal profili – kabel istehsalıdır. Zavodun ümumi sahəsi 16,2 ha, istehsal sahəsi 6,41 ha təşkil edir.