Bunu İqtisadiyyat.az-a açıqlamasında Qafqaz Müsəlmanları İdarəsinin Xarici əlaqələr şöbəsinin müdiri və Həcc Elektron Sistemin rəhbəri Vüsal Cahangirli deyib. 

O bildirib ki, bu il kvota təxminən 1200-1300 arası nəzərdə tutulub: “Artıq 98 faiz yerlər üçün müraciət olunub, 2 faiz yerlər qalıb”. 

Qeyd edək ki, Qafqaz Müsəlmanları İdarəsi 2025-ci ildə Həcc ziyarətinə getmək istəyən Azərbaycanlı zəvvarlar üçün qiymətləri təyin edib. Bir nəfər üçün ziyarət paketinin qiyməti 5950 ABŞ dolları (10 115 AZN) təşkil edir. Ziyarət vahid formada təşkil olunacaq və hava nəqliyyatı ilə ilə həyata keçiriləcək.

Tələb olunan sənədlər:

1. Ümumvətəndaş pasportu (ən azı 1 il vaxtı olmalıdır);

2. Şəxsiyyət vəsiqəsinin surəti;

3. 5 sm × 5 sm ölçüdə 2 ədəd ağ fonda çəkilmiş rəngli fotoşəkil (qadınlar tünd hicabda);

4. Sağlamlıq haqqında arayış.

Həcc ziyarətinə gedişlərin 25-30 may tarixlərində baş tutması nəzərdə tutulur.

Geri dönüşün isə iyun ayının 16-dan 21-ə qədər həyata keçirilməsi nəzərdə tutulur.