Cari ilin yanvar-aprel aylarında Azərbaycanda xarici ticarət iştirakçılarının sayı 30 min 10 ədəd olub.

İqtisadiyyat.az Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 607 ədəd və ya 1,98 faiz azdır. Ötən ilin eyni dövründə bu rəqəm 30 min 617 olub.

Xarici ticarət iştirakçılarının 22 min 302-si fiziki şəxslər, 7 min 708-i hüquqi şəxslər olub ki, bu da illik müqayisədə müvafiq olaraq 1 min 182 ədəd (5%) az və 575 ədəd (8%) çoxdur.

Qeyd edək ki, hüquqi şəxslərin 164-ü dövlət sektoruna, 7 min 544-ü özəl sektora məxsus olub.