Azərbaycanda şirkət dövlət tibb müəssisəsini məhkəməyə verib.

İqtisadiyyat.az-ın əldə etdiyi məlumata görə, "Nəsil qrup" MMC Azərbaycan Tibb Universitetinin (ATU) Tədris Terapevtik Klinikası ilə bağlı Bakı Kommersiya Məhkəməsinə müraciət edib.

İşin mahiyyəti müqavilələrdən əmələ gələn öhdəliklər üzrə mübahisələr (alqı-satqı müqaviləsi üzrə mübahisələr) ilə bağlıdır.

İş icraata götürülüb və hakim Leyla Əliyevanın sədrliyi ilə baxılacaq.

Qeyd edək ki, "Nəsil qrup" MMC 2016-cı ilin aprelin 20-də dövlət qeydiyyatına alınıb. Şirkətin nizamnamə kapitalı 100 manatdır. Qanuni təmsilçisi isə Abdullayev Əli Şahin oğludur.